Joriy yilning 30 noyabr kuni ijtimoiy tarmoqda “Yakkabog‘da YPX xodimi haydovchiga sodir etmagan qoidabuzarligi uchun jarima yozdi” sarlavhasi ostidagi videolavha tarqaldi.
Videolavha o‘rganilganda, joriy yilning 28 noyabr kuni Yakkabog‘ tumani IIB YHXB YPX inspektori S.Kenjayev belgilangan dislokasiya asosida 4N-274 “Yakkabog‘-Yakkasaroy” atomobil yo‘lining 5-kilometrida xizmat olib borayotgan vaqtida, tuman markaziy dehqon bozori tomon harakatlanib kelgan “Neksiya” rusumli, 70 A 902 MA davlat raqam belgili avtomobilga to‘xtash ishorasini bergan.
Ijtimoiy tarmoq
Haydovchiga svetoforning qizil chirog‘ida avtomobilining oldingi nuqtasi to‘xtash chizig‘i ustiga chiqqan holda to‘xtaganligini tushuntirgan. Haydovchi to‘xtash chizig‘i ustiga avtomobili yetmasdan to‘xtaganligini aytgan va o‘z e’tirozlarini bildirgan.
Ijtimoiy tarmoq
Holat haydovchi tomonidan video tasvirga olingan va ijtimoiy tarmoqda tarqatilgan.
Mazkur holat yuzasidan Yakkabog‘ tumani IIB mas’ullari tomonidan xizmat tekshiruvi o‘tkazilmoqda. Tekshiruv yakuni bo‘yicha qo‘shimcha ma’lumot beriladi.