Bojxona organlari tomonidan qimmatbaho metall hamda qimmatbaho toshlardan yasalgan zargarlik buyumlarining noqonuniy aylanmasiga qarshi samarali kurash olib borilmoqda.
Xususan, Toshkent xalqaro aeroportiga xorijiy aviareys bilan uchib kelgan fuqaro I.D. yashil yo‘lakdan harakatlanar ekan, uning xatti-harakatlari bojxonachilar e’tiborini tortdi va ushbu shaxs shaxsiy ko‘rikdan o‘tkazildi.
Natijada, uning yonida bojxona nazoratiga taqdim etilmagan hamda jismoniy shaxslar uchun belgilangan bojxona to‘lovlarisiz olib kirish me’yoridan ortiq bo‘lgan umumiy qiymati 22 mln. so‘mlik, og‘irligi 125.4 gramm bo‘lgan zargarlik buyumlari borligi aniqlandi.
Hozirda ushbu holat yuzasidan bojxona organlari tomonidan surishtiruv harakatlari olib borilmoqda.