Xoland APLning yangi to‘purarlik rekordini o‘rnatdi

"Manchester Siti" hujumchisi Erling Xoland Angliya chempionatining 14-turidan o‘rin olgan "Fulxem"ga qarshi o‘yinda gol urdi.

25 yoshli norvegiyalik futbolchi 17-daqiqada Jeremi Dokuning uzatmasini golga aylantirdi. Bu Xoland uchun APLdagi 100-gol bo‘ldi. U bu natijaga Angliya chempionati tarixida eng tez erishdi - 111 o‘yinda. Xoland buning uchun 124 ta o‘yin o‘tkazgan Alan Shirerning rekordini yangiladi.

Xoland 2022 yilda "Borussiya"dan "Manchester Siti"ga o‘tgandi. "Shaharliklar" safida barcha turnirlarda 164 ta o‘yin o‘tkazib, 143 ta gol va 22 ta golli uzatmani amalga oshirgan.