Xitoy–Qirg‘iziston–O‘zbekiston temir yo‘li Yevropagacha uzaytirilishi mumkin

Xitoy–Qirg‘iziston–O‘zbekiston temir yo‘lini Kaspiy dengizi, Ozarbayjon va Turkiya orqali Yevropa mamlakatlarigacha uzaytirish rejalashtirilmoqda.

Bu yo‘nalish amalga oshirilsa, O‘zbekiston Xitoydan Yevropaga yuk tashishda muhim tranzit markazlaridan biriga aylanishi mumkin.

Yangi temir yo‘l yo‘nalishi Markaziy Osiyo davlatlarini Xitoy va Yevropa bozorlari bilan bog‘laydigan transport koridorlaridan birini shakllantirishi kutilmoqda.

Loyiha Xitoy–Qirg‘iziston–O‘zbekiston temir yo‘lini Kaspiy dengizi orqali Transkaspiy transport yo‘nalishiga ulash, keyin esa Ozarbayjon va Turkiya orqali Yevropa bozorlariga chiqish imkonini beradi.