Shanxay Szyaotun universiteti olimlari Xitoyda keksa odamlarda nutq buzilishlarini aniqlash uchun birinchi aqlli tezkor skrining tizimini taqdim etdi, deb xabar beradi TV BRICS.
Tizim - nevrologik va kognitiv kasalliklarni, jumladan, Parkinson kasalligi, demensiya va insult oqibatlarini erta bosqichda aniqlaydi.
Chan Xuey boshchiligidagi jamoa patologik tilshunoslik va til testlaridagi yutuqlardan foydalangan. Olimlar vazifalar va ball tizimini o‘z ichiga olgan platforma yaratdilar.
Ishtirokchilar audio materiallar asosida savollarga javob berishlari va taqdim etilgan rasmlarni tasvirlashlari kerak. Test taxminan 7 daqiqa davom etadi, shundan so‘ng natijalar ko‘rsatiladi.
Olimlarning ushbu ishi tibbiyot muassasalarida, qariyalar markazlarida va uylarida muntazam tekshiruvlar paytida qo‘llaniladi. Undan har bir oila a’zosi ham foydalanishi mumkin. Testni smartfon, planshet yoki kompyuterdan foydalangan holda o‘tkazish mumkin.
Ushbu tizim hozirda Xitoydagi kasalxonalarda sinov loyihasi sifatida joriy etilyapti.
Normativ bazani yaratish uchun olimlar 50 yoshdan 79 yoshgacha bo‘lgan mingdan ortiq aholi haqida ma’lumotlar to‘pladilar. Test tahlilida yosh, ma’lumot, kognitiv xususiyatlar, jins, kasb va lahja hisobga olindi.
Chan Xuening so‘zlariga ko‘ra, kelajakda foydalanuvchilar bir nechta turdagi testlarni topshirishlari uchun savollar bazasini kengaytirish rejalashtirilgan.
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
KIA avtosaloni xodimi mijozni kaltakladi (video)
