Xitoyning aholisi uning ma’muriy hududlari hisoblangan Hongkong, Makao va Tayvanni hisoblamaganda 2019 yil oxirida 4,67 mln kishiga ko‘payib, umumiy hisobda 1,4 mlrd 400 mln 50 ming kishiga yetdi. Bu haqda Xitoy davlat statistika byurosi xabar berdi.
Ta’kidlanishicha, 2018 yilda Xitoy aholisi 5,3 mlnga ko‘paygan.
Xitoyda 2019 yilda 14,65 mln kishi tug‘ilgan, tug‘ilish koeffisiyenti ming kishiga 10,48 kishini tashkil qilgan. Shu davr ichida 9,98 mln kishi vafot etgan, bu boradagi koeffisiyent esa ming kishiga 7,14 ni tashkil qilgan.
Xitoyda erkaklar 715,27 mln kishini, ayollar esa 684,78 mln kishini tashkil qilmoqda.
16 yoshdan 59 yoshgacha bo‘lgan mehnatga layoqatli aholi soni 896,4 mln kishini, ya’ni umumiy aholining 64 foizini tashkil qilgan.
2018 yil oxirida Xitoyda 60 yoshdan oshganlar soni 253,88 mln kishini yoki umumiy aholining 18,1 foizini tashkil qilgan.
Shaharlar aholisi bir yil ichida 17,06 mln kishiga ko‘payib, 848,43 mlnga yetgan. Qishloqlar aholisi esa 12,39 mln kishiga kamayib, 551,62 mln kishini tashkil qilmoqda.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
