Xerson viloyati harbiy ma’muriyati rahbari Aleksandr Prokudinning ma’lum qilishicha, 2 may kuni ertalab soat 07:00 atrofida Rossiya qo‘shinlari shaharning Dnepr tumanidagi yo‘nalishli taksiga dron bilan zarba bergan. Ushbu hujum oqibatida ikki kishi halok bo‘lgan, yana yetti kishi turli darajadagi jarohatlar olgan. Oradan bir necha soat o‘tib, shaharning Markaziy tumanida ikkinchi yo‘nalishli taksi ham hujumga uchragan va natijada haydovchi shifoxonaga yotqizilgan. Shu kuni tunda Ukrainaning boshqa hududlari ham ommaviy dronlar hujumiga uchragan.
Xarkovda "Shahed" droni 12 qavatli uyga kelib urilishi natijasida ikki kishi jarohatlangan bo‘lsa, Nikolayev, Sumi, Ternopol va Dnepropetrovsk viloyatlarida ham portlashlar qayd etilgan. Odessa viloyatining Izmail shahrida dronlar port hududiga hujum qilgan, biroq havo hujumidan mudofaa tizimlari tufayli jiddiy talofatlarning oldi olingan. Ukraina Harbiy-havo kuchlari ma’lumotlariga ko‘ra, Rossiya tun davomida mamlakat bo‘ylab jami 163 ta dron uchirgan.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
