Vilnyusda yuk samolyoti ikki qavatli turar-joy binosi ustiga qulab tushdi.
"Guvohlarga ko‘ra, halokatga uchragan samolyot DHL transport kompaniyasiga tegishli. Hodisa aeroport yaqinidagi hududda sodir bo‘ldi. Samolyot qulagan binoda kuchli yong‘in yuzaga keldi", deb yozadi Delfi nashri.
Samolyot bortida to‘rt kishi — ikki uchuvchi va DHL kompaniyasining ikki xodimi bo‘lgan. Delfi'ning yozishicha, uchuvchilardan biri halok bo‘lgan, qolgan uch kishi qutqarilgan. Shuningdek, samolyot qulagan uyda yashovchilardan hech kim jarohatlanmagani ma’lum qilindi.
