Vengriya tashqi ishlar vaziri: Budapesht Rosatom va Gazpromga qarshi mumkin bo‘lgan sanksiyalarni qo‘llab-quvvatlamaydi

Vengriya hech qachon G‘arb davlatlarining Rossiyaning Rosatom va Gazprom energetika kompaniyalarining sanksiyalar ro‘yxatiga kiritilishiga rozilik bermaydi. Bu haqda Vengriya tashqi ishlar vazirligi rahbari Peter Siyyarto ma’lum qildi.

"Men bu masala bo‘yicha chin dildan gapira olaman, biz Rosatom yoki Gazpromning sanksiyalar ro‘yxatiga kiritilishiga hech qachon rozi bo‘lmaymiz", dedi vengriyalik diplomat RIA Novostiga.

Siyyarto, Vengriya hech qanday Rossiya energetika kompaniyasiga nisbatan mumkin bo‘lgan sanksiya qo‘llanilishiga hech qachon rozilik bermasligini ta’kidladi.

“Agar Rosatom cheklovlar ostida bo‘lsa, bizning loyihamiz (Paks AES qurilishi) yopiladi. Biz buni xohlaymizmi? Yo‘q. Shunday ekan, bunday tashabbus ko‘tarilsa, rozilik beramizmi? Yo‘q, - dedi u.