Venesuelada zilzila qurbonlari soni 5000 nafardan oshdi

Venesueladagi dahshatli zilzila qurbonlari soni 5069 kishiga yetdi.

Bu haqda Milliy Assambleya spikeri Xorxe Rodriges o‘zining Telegram-kanalida e’lon qildi.

Hukumatning kundalik yangilanishiga ko‘ra, 16 740 kishi jarohatlangan va 17 907 kishi uysiz qolgan. Bundan tashqari, 190 ta bino butunlay vayron bo‘lgan va yana 856 tasi jiddiy zarar ko‘rgan.

Qidiruv-qutqaruv operasiyalari natijasida 6462 kishi qutqarilgan va 36 951 kishi tibbiy yordam olgan.

Shu bilan birga, 128 324 oila gumanitar yordam oldi va 21 235 kishi 107 ta vaqtinchalik lagerlarda joylashtirildi. Jabrlanganlarga jami 10 063 tonna oziq-ovqat tarqatildi.

24 iyun oqshomida Venesuelada dahshatli zilzila sodir bo‘ldi. Taxminan 40 soniya oralig‘ida 7,2 va 7,5 magnitudali ikkita zilzila qayd etildi. Zilzila episentrlari Yarasuy shtatida, taxminan 10 kilometr uzoqlikda joylashgan edi. Tabiiy ofatdan keyin jami 1331 ta aftershok qayd etildi.