Венесуэлада зилзила қурбонлари сони 5000 нафардан ошди

Венесуэладаги даҳшатли зилзила қурбонлари сони 5069 кишига етди.

Бу ҳақда Миллий Ассамблея спикери Хорхе Родригес ўзининг Телеграм-каналида эълон қилди.

Ҳукуматнинг кундалик янгиланишига кўра, 16 740 киши жароҳатланган ва 17 907 киши уйсиз қолган. Бундан ташқари, 190 та бино бутунлай вайрон бўлган ва яна 856 таси жиддий зарар кўрган.

Қидирув-қутқарув операциялари натижасида 6462 киши қутқарилган ва 36 951 киши тиббий ёрдам олган.

Шу билан бирга, 128 324 оила гуманитар ёрдам олди ва 21 235 киши 107 та вақтинчалик лагерларда жойлаштирилди. Жабрланганларга жами 10 063 тонна озиқ-овқат тарқатилди.

24 июнь оқшомида Венесуэлада даҳшатли зилзила содир бўлди. Тахминан 40 сония оралиғида 7,2 ва 7,5 магнитудали иккита зилзила қайд этилди. Зилзила эпицентрлари Ярасуй штатида, тахминан 10 километр узоқликда жойлашган эди. Табиий офатдан кейин жами 1331 та афтершок қайд этилди.