O‘zbekistonda tez orada halol standarti sertifikati beradigan tashkilot tuziladi. Bu haqda Milliy matbuot markazida o‘tgan matbuot anjumanida "O‘zstandart" agentligi bosh direktori o‘rinbosari Jasur Shukurov ma’lum qildi.
O‘zAning yozishicha, rasmiy: “O‘zbekistonda halol standarti bo‘yicha hali to‘liq tizim ishlab chiqilmagan, halol standarti sertifikati beradigan tashkilotlar mavjud emas. Shu yo‘nalishda ishlar olib borilmoqda. Tez orada halol standarti sertifikati beradigan tashkilotga ega bo‘lamiz”, -deb aytgan.
Shukurovga ko‘ra, agentlik bu borada Halol standarti sohasida islom davlatlari standartlashtirish va metrologiya instituti (SMIIC) bilan tayyorgarlik ishlarini olib bormoqda.
Manba: azon.uz
