O‘zbekistonning 6 ta hududida qor ko‘chishi xavfi e’lon qilindi

O‘zgidromet agentligi kutilayotgan yog‘ingarchilik hamda havo haroratining o‘zgarishlari sababli 16−19 yanvar kunlari O‘zbekistonning 6 ta viloyatida qor ko‘chishi xavfini e’lon qildi.

Hududlar:

• Qashqadaryo viloyati: Dehqonobod, Kitob, Qamashi, Shahrisabz tumanlarida;
• Surxondaryo viloyati: Boysun, Qumqo‘rg‘on, Sariosiyo, Uzun tumanlarida;
• Samarqand viloyati: Nurobod, Qo‘shrabot, Samarqand, Urgut tumanlarida;
• Jizzax viloyati: Baxmal, Zomin tumanlarida;
• Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
• Namangan viloyati: Pop tumani.

Tog‘li xududlarda istiqomat qiluvchi fuqarolar, dam oluvchilar hamda tog‘li xududlarda harakatlanuvchi haydovchilardan ehtiyotkorlik choralarini ko‘rishlari so‘raldi.