O‘zbekistonliklar maydonga tushgan bahsda "Istiqlol" ochko yo‘qotdi

Eron Pro ligasining 6-turida o‘zbekistonlik futbolchilar to‘p surayotgan "Istiqlol" safarda "Alyuminium Arak" bilan kuch sinashdi.

Uchrashuv davomida jamoalar darvozalarni ishg‘ol qila olmadi va bahs 0:0 hisobidagi durang bilan yakunlandi.

"Istiqlol"ning o‘zbekistonlik himoyachisi Rustam Ashurmatov asosiy tarkibda maydonga tushib, uchrashuvni to‘liq o‘tkazdi. Jaloliddin Masharipov esa bahsni zaxirada boshladi va 70-daqiqada o‘yinga qo‘shildi.

Tehron klubi ushbu durangdan so‘ng Eron chempionatidagi ochkolari sonini 12 taga yetkazdi. "Istiqlol" hozirga qadar 6 ta uchrashuv o‘tkazgan.