Joriy yilning 6 iyun kuni O‘zbekiston Respublikasi Prezidentining rasmiy tashrifi doirasida O‘zbekiston Respublikasi Turizm qo‘mitasi va Turkiya Madaniyat va turizm vazirligi o‘rtasida turizm sohasidagi hamkorlikni yanada kengaytirish to‘g‘risida Bayonnoma imzolandi.
Hujjatda tomonlarning yaqin yillarda o‘zaro sayyohlar oqimini oshirish bo‘yicha amaliy qadamlari, bu boradagi qo‘shma loyiha va tashabbuslar belgilab berilgan.
Shuningdek, tashrif doirasida Turizm qo‘mitasi raisi U.Shadiyev va Turkiya madaniyat va turizm vaziri M.Ersoy o‘rtasida muzokaralar bo‘lib o‘tdi.
O‘zbekiston Prezidenti tomonidan joriy yilning 3 iyun kuni turizm bo‘yicha selektor yig‘ilishida qo‘yilgan vazifalardan kelib chiqib, Turkiya tomoni bilan Turkiyaning yirik majmualarida O‘zbekiston mehmonxona biznesi rahbarlarining malakasini oshirish, tibbiy turizmni rivojlantirishga turk tajribasini jalb etish, talabalar uchun yangi ta’lim dasturlarini amalga oshirish va boshqa takliflar ishlab chiqildi.
Ikki mamlakatning yetakchi turoperatorlari, mehmonxona tarmoqlari ishtirokida Xiva shahrida O‘zbekiston-Turkiya turizm bo‘yicha qo‘shma komissiyasining navbatdagi III majlisini o‘tkazish yuzasidan kelishuvga erishildi.
Mayk Tayson duch kelishni istamaydigan yagona jangchini aytdi: «Unga nisbatan hech kimda imkoniyat yo‘q»
Lavrov qancha davlat Rossiyani yo‘q qilmoqchi ekanligini aytdi
Ukrainada millionlab odamlarning mamlakatni ommaviy ravishda tark etishi boshlanadi
