O‘zbekiston milliy terma jamoasi ikkinchi uchrashuvda g‘alaba qozondi

O‘zbekiston milliy terma jamoasi yanvar oyidagi o‘quv-mashg‘ulot yig‘ini doirasidagi ikkinchi nazorat uchrashuvini o‘tkazdi. Raqib Armanistonning “Urartu” jamoasi bo‘ldi.

Uchrashuvda milliy jamoamiz hujumkor o‘yin namoyish etdi va 4:2 hisobida g‘alabaga erishdi. Birinchi bo‘limda hisobni Alisher Odilov ochgan bo‘lsa, ikkinchi taymda Javohir Husanov hamda Avazbek O‘lmasaliyev (ikki bor) raqib darvozasini ishg‘ol qildi.

“Urartu” jamoasi esa uchrashuv davomida ikki bor javob to‘pini kiritishga muvaffaq bo‘ldi, ulardan biri qo‘shimcha daqiqalarda penalti orqali urildi.

Nazorat uchrashuvi
O‘zbekiston — «Urartu» — 4:2
Gollar: Alisher Odilov (35), Javohir Husanov (58), Avazbek O‘lmasaliyev (62, 70) — «Urartu» (19, 105+3, penalti)