O‘zbekiston kubogi. «Bunyodkor» «Qiziriq»dan, «Navbahor» «Buxoro»dan ustun keldi

O‘zbekiston kubogi nimchorak finalida bugun navbatdagi ikki o‘yin bo‘lib o‘tdi.

«Bunyodkor» o‘z maydonida «Qiziriq»ni qabul qilib, 2:1 hisobida g‘alaba qozondi. Najmiddin Normurodov 4-daqiqada o‘z darvozasiga to‘p kiritib qo‘yib, mehmonlarni hisobda oldinga olib chiqqan edi. Keyinchalik Usmonali Ismonaliyev 28-daqiqada, Temurxo‘ja Abduxoliqov 84-daqiqada (penaltidan) gol urib, «qaldirg‘ochlar»ga keyingi bosqch yo‘llanmasini taqdim etdi.

Shuningdek, «Navbahor» o‘z maydonida «Buxoro»dan ustun keldi - 1:0.

Filipp Ivanovich namanganliklarga g‘alaba keltirgan golni 45+7-daqiqada kiritdi.