O‘zbekiston Eronga qarshi tarixiy natija qayd etdi

O‘zbekiston milliy terma jamoasi navbatdagi o‘rtoqlik uchrashuvida Eronni mag‘lub etib, o‘zaro bahslar tarixida yangi natija qayd etdi.

Kecha bo‘lib o‘tgan uchrashuv 3:1 hisobida "oq bo‘rilar" foydasiga yakunlandi. Shu tariqa, O‘zbekiston terma jamoasi tarixda ilk bor Eron darvozasiga bir o‘yinda uchta gol urishga muvaffaq bo‘ldi.

Bunga qadar forslarga qarshi eng sermahsul natija 2023 yilda qayd etilgan edi. O‘shanda jamoalar 2:2 hisobida durang o‘ynagan.

Eron ustidan qozonilgan ishonchli g‘alabadan so‘ng O‘zbekiston terma jamoasi navbatdagi sinovga tayyorgarlikni boshlaydi.

Milliy jamoamiz 1 oktyabr kuni Toshkentda Suriyaga qarshi o‘rtoqlik uchrashuvini o‘tkazadi.