O‘zbekiston temir yo‘llari Chexiya bilan 10 ta elektropoyezd yetkazib berish to‘g‘risida kelishuvga erishdi.
2026 yil 17 iyun kuni Toshkent xalqaro investisiya forumi doirasida shahar atrofi tashuvlari operatori «Shahar atrofida yo‘lovchi tashish» MCHJ («O‘zbekiston temir yo‘llari» AJ) va Chexiyaning Skoda Transportation kompaniyasi o‘rtasida shartnoma imzolandi.
Loyiha mamlakat temir yo‘l infratuzilmasini modernizasiya qilishga qaratilgan.
Uning amalga oshirilishi ilg‘or Yevropa texnologiyalaridan foydalangan holda harakatlanuvchi tarkib parkini yangilash, yo‘lovchi tashish sifati va qulayligini xalqaro xavfsizlik hamda energiya samaradorligi standartlari darajasiga ko‘tarish imkonini beradi.
Yangi harakatlanuvchi tarkib zamonaviy boshqaruv va havoni kondisiyalash tizimlari bilan jihozlanadi. Ushbu yechimlar O‘zbekiston aholisi va mehmonlari uchun sayohat paytida yuqori darajadagi qulaylikni ta’minlaydi.
Tashabbusning muhim qismi — O‘zbekistonda texnik xizmat ko‘rsatish bo‘yicha qo‘shma korxona tashkil etishdan iborat bo‘ladi.
Bu mamlakat ichida poyezdlarning tezkor xizmat ko‘rsatilishini ta’minlash, yangi ish o‘rinlari yaratish va mahalliy temir yo‘l tarmog‘ini yanada rivojlantirishga xizmat qiladi.
Bitimning imzolanishi O‘zbekiston va Chexiya Respublikasi o‘rtasida transport sohasidagi hamkorlik mustahkamlanib borayotganini ham tasdiqlaydi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Hindiston TIV Rossiya diplomatini chaqirtirdi
