Urush boshlanganidan beri Avstriyadan Ukrainaga naqd pul (dollar va yevroda) hamda oltin shaklida qariyb 20 milliard yevroga teng mablag‘ o‘tkazilgan – Kronen Zeitung.
Bu ma’lumotlarni Avstriya Moliya vazirligi FPÖ partiyasining so‘roviga javoban ochiqladi. Vazirlik ma’lumotlariga ko‘ra, gap Ukrainaning davlat "Oshadbanki" uchun amalga oshirilgan 1011 ta naqd yevro va dollar tashish hamda 19 ta oltin quymalarini yetkazib berish haqida bormoqda. 2022 yil fevral oyidan buyon jami mingtadan ortiq alohida tashish amaliyotlari tashkil etilgan.
So‘rov yuborilishiga yaqinda Vengriyada yuz bergan hodisa sabab bo‘lgan. U yerda terrorizmga qarshi kurash maxsus bo‘linmasi Venadan Kiyevga ketayotgan ikkita zirhli avtomobilni pul yuvishda gumon qilib to‘xtatgan edi.
Kiyev bu oddiy bank amaliyoti ekanligini — shu yo‘l bilan Ukraina banklari o‘z ehtiyojlari va mijozlari uchun naqd xorijiy valyuta hamda qimmatbaho metallarni olib kelishini ta’kidlamoqda.
Ukraina Vengriyaning sobiq bosh vaziri Viktor Orbanni ushbu mojaroni saylovoldi maqsadlarida ataylab uyushtirganlikda ayblagan edi.
Orban partiyasi saylovlarda mag‘lub bo‘lganidan so‘ng, Vengriya musodara qilingan naqd pullarni Ukrainaga qaytarib berdi, deyiladi xabarda.
Rossiya Moskvadagi paradga boradigan yetakchilar ro‘yxatini e’lon qildi
Krishtianu Ronaldu millionlab obunachilarini yo‘qotdi
AQSh sudi Jeffri Epshteynning o‘limidan oldin yozib qoldirgan taxminiy xatini ommaga e’lon qildi
