Kecha, 16 aprel kuni Toshkent viloyati O‘rta Chirchiq tumani O‘rta Ovul MFYdagi xonadonda ro‘y bergan portlash oqibatida bir oiladan 4 kishi vafot etdi.
Dastlabki ma’lumotlarga ko‘ra, 1996 yilda tug‘ilgan erkak va uning uch nafar farzandi portlashdan so‘ng kelib chiqqan yong‘inda halok bo‘lgan. Uning turmush o‘rtog‘i hamda onasi og‘ir ahvolda shifoxonada qolmoqda.
“Tunda qattiq ovoz bo‘ldi. Hamma uydan chiqib ketdi. Qo‘rqib ketdik”, — deydi qo‘shnilardan biri.
Qo‘shnilarning aytishicha, voqea sodir bo‘lgan paytda erkak yaqinlarini qutqarishga uringan. U ayoli va onasini derazadan tashqari chiqarib yuborishga ulgurgan, ammo bolalarini qutqarishga harakat qilgan paytda o‘zi ham halok bo‘lgan.
Hozircha fojia nimadan kelib chiqqani sababi rasman ma’lum qilingani yo‘q. Voqea joyida tegishli idora va tashkilotlar mas’ullari ish olib bormoqda.
Xitoy AQShni ogohlantirdi
AQSh Eronga yadroviy qurol ishlab chiqarishdan so‘zsiz voz kechish evaziga boshqa imkoniyatni taklif qilmoqda
«Men Eronni bir kunda, hatto bir soatda yo‘q qilib yuborishim mumkin edi, lekin xohlamayman», — Tramp
