NATO Ukrainaga Amerika qurolini sotib olish uchun “PURL” dasturi doirasida qo‘shimcha 15 milliard dollar ajratishi mumkin. Bu haqda AQShning NATOdagi doimiy vakili Mettyu Uitaker “Bloomberg” telekanaliga bergan intervyusida ma’lum qildi.
Mulozimning so‘zlariga ko‘ra, shu yil oxirigacha Kiyev uchun taxminan 2 milliard dollarlik qurol-yaroq yetkazib beriladi. 2026 yil esa yana 12-15 milliard dollar ajratilishi rejalashtirilgan.
PURL – “Ukrainaning ustuvor ehtiyoj ro‘yxati” deb ataluvchi dastur joriy yil iyulida Prezident Donald Tramp va NATO o‘rtasidagi kelishuv asosida ishga tushirilgan. Mazkur hujjatga muvofiq, Shimoliy Atlantika alyansi a’zolari va hamkor davlatlar Ukraina tomonidan tuzilgan ehtiyoj ro‘yxati asosida AQShdan qurol-yaroq xarid qiladi va ukrainaliklarga topshiradi.
Prezident Vladimir Zelenskiy 17 sentyabrdagi bayonotida ushbu dastur doirasida mamlakat allaqachon 2 milliard dollardan ziyod yordam olgani, yil yakunigacha ayni miqdor 3-3,5 milliard dollarga yetkazilishini aytgan. Bu mablag‘ evaziga Ukraina “Patriot” havo mudofaa tizimi uchun raketalar va “HIMARS” reaktiv tizimi uchun o‘q-dori sotib olgan.
D.Hakimov,O‘zA
Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi
"Moskva yer yuzidan “supurib tashlanadi”
Qaynonasining go‘shtidan manti qilib, erini ham o‘ldirgan ayolga 12 yil jazo berildi
