Ukrainadagi mojaro yanada kengayishi mumkin — AQSh davlat kotibi

Marko Rubio Ukrainadagi harbiy harakatlar boshi berk ko‘chaga kirib qolganini va bu holat o‘ta xavfli ekanini aytdi.

"Bunday turg‘unlik faqat ikki xil yo‘l bilan yakun topishi mumkin: diplomatik muzokaralar orqali kelishuvga erishish yoki mojaroning yanada kuchayishi (eskalasiya)", — dedi amerikalik rasmiy.

Rubio eskalasiya ikki davlat o‘rtasidagi to‘qnashuvni keng ko‘lamli mintaqaviy urushga aylantirib yuborishi ehtimolidan ogohlantirdi.

Shu bilan birga, u Vashington mazkur mojaroni muzokaralar orqali barqaror va adolatli hal etishga intilishda davom etishini bildirdi.