Украинадаги можаро янада кенгайиши мумкин — АҚШ давлат котиби

Марко Рубио Украинадаги ҳарбий ҳаракатлар боши берк кўчага кириб қолганини ва бу ҳолат ўта хавфли эканини айтди.

"Бундай турғунлик фақат икки хил йўл билан якун топиши мумкин: дипломатик музокаралар орқали келишувга эришиш ёки можаронинг янада кучайиши (эскалация)", — деди америкалик расмий.

Рубио эскалация икки давлат ўртасидаги тўқнашувни кенг кўламли минтақавий урушга айлантириб юбориши эҳтимолидан огоҳлантирди.

Шу билан бирга, у Вашингтон мазкур можарони музокаралар орқали барқарор ва адолатли ҳал этишга интилишда давом этишини билдирди.