Ukrainada tinchlik kuzga qadar o‘rnatilishi mumkin

Qo‘shma Shtatlarning Ukraina bo‘yicha sobiq maxsus vakili Kit Kellog Davosda so‘zlagan nutqida urush shu yilning yozigacha, ya’ni 24 avgustga qadar yakunlanishi mumkinligini aytdi. Uning ta’kidlashicha, Ukraina qishda bardosh bera olsa, bu narsaning amalga oshishi ehtimoli bo‘ladi.

Kellogning so‘zlariga ko‘ra, yaqin oylar hal qiluvchi ahamiyatga ega. U Rossiya o‘z strategik maqsadlariga erisha olmay, muhim shaharlarni egallay olmaganini va katta yo‘qotishlarga uchraganini qayd etdi.

Shu bilan birga, Kellog Putin urushdan chiqish yo‘lini qidirayotganini, biroq mag‘lubiyatni ochiq tan olishga tayyor emasligini ta’kidladi. Uning fikricha, tinchlik muzokaralari allaqachon yakuniy bosqichga yaqinlashgan bo‘lishi mumkin.