Ukraina harbiy razvedkasiga yangi rahbar tayinlandi

Ukraina prezidenti Vladimir Zelenskiy Tashqi razvedka xizmatini (SVR) boshqargan Oleg Ivashchenkoni Bosh razvedka boshqarmasi rahbari etib tayinladi.

Bu haqda Ukraina rahbari o‘zining Telegram-kanalida yozdi.

"Bugundan boshlab Oleg Ivashchenko mamlakatimizga xizmat qilishda davom etadi va Ukraina harbiy razvedkasi pozisiyalarida Rossiya harbiy salohiyatini cheklash bo‘yicha topshiriqlarni bajaradi”, — deb yozgan Zelenskiy.

Uning ta’kidlashicha, u Ivashchenko bilan Tashqi razvedka xizmati rahbari sifatida uchrashuv o‘tkazgan, unda Ivashchenko Ukrainadagi umumiy vaziyat va hozirgi tahdidlar haqida ma’lumot bergan.