Ukraina 1000 ta jasadni oldi, Rossiya — 41 ta

Tomonlar halok bo‘lganlar jasadlarini navbatdagi almashinuvini amalga oshirdi

Ukraina va Rossiya halok bo‘lgan harbiylar jasadlarini repatriasiya qilish bo‘yicha navbatdagi bosqichni o‘tkazdi. Ukraina asirlar bilan ishlash bo‘yicha muvofiqlashtiruvchi shtabi ma’lumotiga ko‘ra, «bugun repatriasiya tadbirlari bo‘lib o‘tdi va uning natijasida Ukrainaga 1000 nafar halok bo‘lganlarning jasadlari (qoldiqlari) qaytarildi». Rossiya tomoniga esa, Davlat dumasi deputati Shamsail Saraliyev ma’lumotiga ko‘ra, 41 ta jasad topshirilgan.

Ukraina tergovchilari IIV ekspert muassasalari bilan birgalikda barcha qaytarilgan jasadlarni identifikasiya qiladi. Shtab ta’kidlashicha, operasiya Qurolli kuchlar, SBU, Oliy rada ombudsmeni va FVV kabi ko‘plab idoralarning hamkorligi natijasi bo‘ldi.

Avvalgi almashinuv 26 fevral kuni bo‘lib o‘tgan edi: o‘shanda ham Ukrainaga 1000 ta jasad, Rossiyaga esa 35 ta topshirilgan. Aprel oyi boshida Rossiya ombudsmeni Tatyana Moskalkova Pasxa arafasida harbiy asirlar almashinuvi tayyorlanayotganini ma’lum qilgan.