Germaniyada koronavirusga qarshi vaksinaning yangi turini ishlab chiqqan BioNTech kompaniyasi asoschilari Ug‘ur Shahin va O‘zlem Tureji omicron shtammi tufayli vahimaga tushishning hojati yo‘qligini aytishdi.
Omicron varianti haqida ikki hafta davomida umumiy ma’lumot to‘plagandan so‘ng aniq bir xulosaga kelishlari mumkinligini ta’kidlagan Ug‘ur Shahin,
"Yangi omicron shtammidan qo‘rqishning hojati yo‘q. Vahima qilish kerak emas. Biz bilamizki, shtamm juda ham ko‘p xildagi mutasiyalarga ega. Ma’lumki, vaksinaning ushbu shtammga ta’siri kamroq bo‘ladi, lekin shu bilan birga og‘ir kasalliklardan himoya qiladi ham", — deya ta’kidladi.