Uelsdagi ukrainalik qochqinlar kir yuvish xizmatlari va ovqatlanishning bir qismi uchun haq to‘lashlari kerak bo‘ladi, deb xabar berdi WalesOnline.
Bu ularning mahalliy hamjamiyatlarga integrasiyalashuvini tezlashtirish uchun qilinmoqda.
O‘zgartirishlar 5 yanvardan kuchga kiradi va davlat tomonidan moliyalashtiriladigan uylarda besh yoki undan ko‘proq hafta qolgan qochqinlarga ta’sir qiladi.
Yangi qoidalarga ko‘ra, ukrainaliklarga uzoq muddatli uy-joyga ko‘chib o‘tish taklifini rad etish uchun faqat ikkita imkoniyat beriladi. Agar yana rad etilsa, ular davlat tomonidan ajratiladigan uy-joylarda yashash narxining bir qismini to‘lashlari kerak bo‘ladi.