Turkiya 2025 yil fevraldan boshlab shartli kirish (şartlı giriş) tartibini bekor qildi. Bu haqda O‘zbekistonning Istanbuldagi Bosh konsulxonasi xabar berdi.
Bu o‘zgarish qonuniy qolish muddatini oshirgan yoki yashash guvohnomasi (ikamet izni) olishda rad javobi olgan barcha xorijiy fuqarolarga taalluqli.
Endi ular Turkiyaga darhol qayta olmaydi. Yangilangan qoidalarga ko‘ra, mamlakatga kirish taqiqi fuqarolikka bog‘liq ravishda 3 oydan 6 oygacha bo‘lishi mumkin.
Norasmiy ma’lumotlarga ko‘ra, yangi tartib joriy etilganidan buyon 150 dan ortiq xorijiy fuqaro aeroportlarda muammolarga duch kelgan.
Bundan kelib chiqib, O‘zbekistonning Istanbuldagi Bosh konsulxonasi Turkiyaga safar qilishni rejalashtirayotganlarning hujjatlarini qayta tekshirishga va migrasiya qoidalariga rioya qilishga chaqirdi.
Qonuniy qolish muddati tugagan yoki yashash guvohnomasi rad etilgan holatda mamlakatni qonunga muvofiq tark etish talab etiladi, aks holda kirish taqiqi joriy etilishi mumkin.
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
🔴 BAA sudidan shov-shuvli qaror: o‘zbekistonliklar o‘limga hukm qilindi!
AQSh mudofaa vazirining qo‘lida arabcha yozilgan tatuirovka bormi?
