Turkiya TIV Isroilning E1 hududida mustamlaka qurish rejasini qoraladi

Turkiya Tashqi ishlar vazirligi Isroilning ishg‘ol qilingan G‘arbiy sohildagi E1 hududida yahudiy mustamlakalarini qurish rejasini keskin qoraladi.

Vazirlik bayonotida qayd etilishicha, mazkur qadam G‘arbiy sohil va Sharqiy Quddusni amalan bir-biridan ajratib qo‘yadi, xalqaro huquq va BMT rezolyusiyalarini buzadi hamda Falastin davlatining hududiy yaxlitligi va ikki davlatli yechim istiqbolini yo‘qqa chiqaradi.

Hujjatda ta’kidlanishicha, 1967 yilgi chegaralar asosida, Sharqiy Quddus poytaxt etib belgilangan mustaqil va suveren Falastin davlatini barpo etish – mintaqada adolatli va barqaror tinchlikka erishishning yagona yo‘lidir.

«Turkiya falastinliklarning adolatli kurashini qo‘llab-quvvatlashda davom etadi», — deyilgan bayonotda.