Turkiya, Saudiya Arabistoni va Pokiston mudofaa sohasida qo‘shma bitim imzolaydi

Turkiya, Saudiya Arabistoni va Pokiston mudofaa sohasida hamkorlik to‘g‘risidagi qo‘shma bitimni imzolashni rejalashtirmoqda, deb xabar beradi Reuters vaziyatdan xabardor mintaqaviy manbalariga tayanib.

Hujjatni imzolash juma, 7 avgust kuniga rejalashtirilgan. Agentlik kelishuvning aniq tafsilotlarini keltirmagan.

Avvalroq Turkiya prezidenti Rajab Toyyib Erdo‘g‘on 7 avgust kuni Saudiya Arabistoniga amaliy tashrif bilan borishi haqida xabar berilgan edi. Pokiston Bosh vaziri Shahboz Sharif esa uch kunlik rasmiy tashrif bilan payshanba, 6 avgust kuni Saudiya Arabistoniga uchib kelgan. Unga Pokiston Qurolli Kuchlari bosh qo‘mondoni feldmarshal Osim Munir hamrohlik qilmoqda.