Ijtimoiy tarmoqlarda "To‘palang" suv omboridan suv chiqayotganligi to‘g‘risida ma’lumotlar tarqaldi.
Favqulodda vaziyatlar vazirligining ma’lum qilishicha, bugun, 22 iyun kuni soat 08:14larda "To‘palang" suv omboridan chiqayotgan suv keskin ko‘tarilgan.
"To‘palang" GES suv ombori loyihasi quvvati 400 mln.m.kub, amalda 378,87 mln. m.kubdir. Suv tashlamasi rejaviy 70 m.kub.sek. 2022-yil 22-iyun kuni hozirgi vaqtda 110 m.kub sek.ni tashkil etmoqda.
Suv omborining mustahkamligiga ziyon yetmagan, ayni vaqtda chiqarilayotgan suv hajmini kamaytirish ishlari olib borilmoqda.