AQSh prezidenti Donald Tramp ma’muriyatining sobiq matbuot kotibi Kerolayn Levitt 1 noyabrdan Fox News telekanalida siyosiy sharhlovchi sifatida ish boshlaydi. Bu haqda telekanal ma’lum qildi.
29 yoshli Levitt Fox News’ning turli dasturlarida ishtirok etib, siyosiy va jamoat hayotiga oid mavzular bo‘yicha o‘z fikrlarini bildirib boradi.
Fox News Media rahbari Syuzan Skott Levittning Oq uydagi va prezidentlik saylovoldi kampaniyasidagi ish tajribasi unga AQShdagi zamonaviy siyosiy jarayonlarni chuqur tushunish imkonini berishini ta’kidladi.
Levitt ham yangi lavozimida Fox News auditoriyasi bilan Oq uy matbuot kotibi sifatidagi tajribasiga asoslangan qarashlarini bo‘lishishni intiqlik bilan kutayotganini bildirdi.
Kerolayn Levitt avgust oyida ikkinchi farzandi tug‘ilganidan so‘ng Oq uy matbuot kotibi lavozimini tark etgan. Donald Tramp uning oilasi bilan ko‘proq vaqt o‘tkazish istagini tushunishini va hurmat qilishini aytgan.
Levitt 2025 yil yanvar oyida Oq uy matbuot kotibi lavozimini egallagan. O‘sha paytda u 27 yoshda bo‘lib, Oq uy tarixidagi eng yosh matbuot kotibiga aylangan.
U Trampning birinchi prezidentlik muddati davrida Oq uy matbuot xizmati rahbari yordamchisi sifatida ishlagan. Keyinchalik 2024 yilgi prezidentlik saylovlarida Trampning saylovoldi kampaniyasi matbuot kotibi vazifasini bajargan.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
