Trampning sabr kosasi to‘lmoqda

Trampning sabr kosasi to‘lmoqda va u Eron bilan urushni qayta boshlash imkoniyatini ko‘rib chiqyapti.

AQSh prezidenti Tehronning urushni tugatish bo‘yicha muzokaralar olib borish uslubidan tobora hafsalasi pir bo‘lyapti va hozirda keng ko‘lamli jangovar harakatlarni qayta tiklash imkoniyatini so‘nggi haftalarga qaraganda jiddiyroq ko‘rib chiqmoqda.

Telekanal manbalariga ko‘ra, Tramp Ho‘rmuz bo‘g‘ozining yopiq qolayotgani hamda Eron rahbariyatidagi ichki ixtiloflar yadroviy muzokaralarda yon berishlarga to‘sqinlik qilayotgani sababli sabr-toqatini yo‘qotmoqda. Tehronning so‘nggi javobini Tramp "mutlaqo qabul qilib bo‘lmas"deb atagan bo‘lsa, uning ma’muriyatidagi ayrim amaldorlar Eronning muzokaralardagi jiddiyligiga shubha bilan qaramoqda.

Hozirda Oq uy ichida turli xil yondashuvlar mavjud bo‘lib, Pentagon rasmiylari Eronni muzokaralar stoliga qaytishga majburlash uchun maqsadli harbiy zarbalar berish orqali agressiv bosim o‘tkazish tarafdori bo‘lsa, boshqa bir guruh hamon diplomatiyaga imkon berish kerakligini ta’kidlamoqda.

Shuningdek, Tramp atrofidagilar Pokiston vositachilarning faoliyatidan norozi, chunki ular Eronning asl pozisiyasini AQShga ijobiyroq qilib ko‘rsatayotgani taxmin qilinyapti. Keyingi qadamlar bo‘yicha yakuniy qaror Donald Trampning 13–15 may kunlariga rejalashtirilgan Xitoy tashrifidan oldin qabul qilinishi dargumon bo‘lib turibdi. 7 aprelda e’lon qilingan sulh hozirda Tehronning "bema’nilik" deb baholangan takliflari sababli bekor bo‘lish arafasida turibdi, deyiladi xabarda.