Trampni AQSh Konstitusiyasini buzganlikda ayblashmoqda

AQSh prezidenti Donald Tramp o‘zi Eronga qarshi uyushtirgan zarbalarni “tom ma’noda harbiy muvaffaqiyat” deb atab maqtagan bir paytda, demokratlar uni vakolatini oshirib yuborganlikda ayblashdi.

Ko‘plab tanqidchilar shanba kuni kechqurun Trampni AQSh Konstitusiyasini buzganlikda — Kongressning roziligisiz Eronning yadro inshootlariga harbiy hujum uyushtirganlikda aybladi.

Senator Kristofer Van Xollen kichik (Jr.) bayonotida shunday dedi:

“Tramp urushlarga barham berishini aytgandi; endi esa u Amerikani yana bir urush girdobiga tortdi. Uning harakatlari ochiqdan-ochiq Konstitusiyamizga zid — urush e’lon qilish faqat Kongress vakolatida.”

AQSh zarbalari oldidan har ikki partiyadan bo‘lgan qonunchilar Trampni har qanday zarbalar oldidan Kongressga murojaat qilishga majbur qiluvchi qonun loyihalarini ilgari surishgan.

AQSh Konstitusiyasiga ko‘ra, urush e’lon qilish yoki kuch ishlatishni ma’qullash huquqi faqat Kongressga tegishli.

Trampning “Amerikani yana buyuk qilamiz” tarafdorlari ham AQShning Isroil urushiga qo‘shilishiga keskin qarshi. Ular Tramp saylovda Yaqin Sharqdagi navbatdagi urushga qo‘shilmaslik va’dasi bilan g‘alaba qozonganini eslashmoqda. Ular Trampdan ichki masalalarga, ayniqsa, iqtisodiyotga e’tibor qaratishini xohlashadi.