АҚШ президенти Дональд Трамп ўзи Эронга қарши уюштирган зарбаларни “том маънода ҳарбий муваффақият” деб атаб мақтаган бир пайтда, демократлар уни ваколатини ошириб юборганликда айблашди.
Кўплаб танқидчилар шанба куни кечқурун Трампни АҚШ Конституциясини бузганликда — Конгресснинг розилигисиз Эроннинг ядро иншоотларига ҳарбий ҳужум уюштирганликда айблади.
Сенатор Кристофер Ван Холлен кичик (Jr.) баёнотида шундай деди:
“Трамп урушларга барҳам беришини айтганди; энди эса у Американи яна бир уруш гирдобига тортди. Унинг ҳаракатлари очиқдан-очиқ Конституциямизга зид — уруш эълон қилиш фақат Конгресс ваколатида.”
АҚШ зарбалари олдидан ҳар икки партиядан бўлган қонунчилар Трампни ҳар қандай зарбалар олдидан Конгрессга мурожаат қилишга мажбур қилувчи қонун лойиҳаларини илгари суришган.
АҚШ Конституциясига кўра, уруш эълон қилиш ёки куч ишлатишни маъқуллаш ҳуқуқи фақат Конгрессга тегишли.
Трампнинг “Американи яна буюк қиламиз” тарафдорлари ҳам АҚШнинг Исроил урушига қўшилишига кескин қарши. Улар Трамп сайловда Яқин Шарқдаги навбатдаги урушга қўшилмаслик ваъдаси билан ғалаба қозонганини эслашмоқда. Улар Трампдан ички масалаларга, айниқса, иқтисодиётга эътибор қаратишини хоҳлашади.
Назарбоев бойлик рейтингида Трампдан ўзиб кетди
Ҳиндистон ҳукумати Сентинел қабиласини рўйхатга олишда муаммога дуч келмоқда
Ғарб нега Россиядан Украинага урушни тўхтатишни талаб қилмоқда?
