Trampga Eronga qarshi keng qamrovli harbiy variantlar taqdim etildi

Trampga Eronga qarshi keng qamrovli harbiy variantlar taqdim etildi. Ular orasida raketa zarbalari, kiberhujumlar va psixologik kurash kabilar bor. Bu haqda CBS News xabar berdi.

Telekanalning Pentagondagi manbalariga ko‘ra, AQSh prezidenti Donald Trampga Vashingtonning Erondagi voqealarga ta’sir o‘tkazishi mumkin bo‘lgan yashirin usullardan to harbiy choralargacha bo‘lgan variantlari haqida ma’lumot berilgan.

"Erondagi vaziyatga to‘g‘ridan-to‘g‘ri harbiy aralashuv holati yuz bersa, AQSh uzoq masofali raketalar bilan zarba berishi mumkin, biroq manbalarning aytishicha, Pentagon vakillari kiberhujumlar va ruhiy ta’sir choralari variantlarini ham taqdim etgan", deyiladi xabarda.