AQSh prezidenti Donald Tramp Michiganda saylovoldi mitingidagi nutqida Fransiya rahbari Emmanuel Makronni adashib bosh vazir deb atadi.
Gap AQShning 2015 yilda tuzilgan iqlim bo‘yicha Parij kelishuvidan chiqishi haqida ketgan. U 2020 yildan boshlab atmosferadagi karbonat angidrid gazi miqdorini kamaytirishga qaratilgan.
«Men bosh vazir Makronni juda yaxshi ko‘raman, lekin undan kelishuv haqidagi ishlar qanday ketayotganini so‘radim. Ular unchalik yaxshi ishlashmayapti», — dedi Tramp.
Ma’lumot o‘rnida, hozirda Fransiya Bosh vaziri lavozimini Jan Kasteks egallab turibdi, uni bu lavozimga Emmanuel Makronning o‘zi tayinlagan.
Eslatib o‘tamiz, AQShda prezident saylovlari 3 noyabr kuni o‘tkaziladi.