AQSh prezidenti Donald Tramp ma’muriyati so‘nggi haftalarda Isroilni Eronga qarshi mustaqil harbiy operasiya o‘tkazishga chaqirgan. Bu haqda Isroilning Maariv gazetasi xabar berdi.
Nashr ma’lumotlariga ko‘ra, Vashington bunday yo‘l bilan AQSh harbiylarining mojaroda bevosita ishtirok etishi bilan bog‘liq siyosiy xavflarni kamaytirishni ko‘zlagan. Bu, ayniqsa, AQShda Kongressga oraliq saylovlar yaqinlashayotgan bir paytda Tramp uchun siyosiy jihatdan muhim bo‘lgan.
Amerika ma’muriyati Eronga qarshi zarbalarda AQShning bevosita ishtirok etishi Trampning siyosiy mavqeiga salbiy ta’sir ko‘rsatishi mumkin, deb hisoblagan. Shu bilan birga, Vashington Isroilning mustaqil harbiy operasiyasi 27 oktyabrga belgilangan parlament saylovlari oldidan bosh vazir Binyamin Netanyaxuning mavqeini mustahkamlashi mumkinligini taxmin qilgan.
Isroil mudofaa armiyasi Bosh shtabi boshlig‘i, general-leytenant Eyal Zamir esa amerikalik rasmiylarni Eron bilan keng ko‘lamli harbiy to‘qnashuv Isroildagi saylovlarning kechiktirilishiga olib kelishi mumkinligidan ogohlantirgan.
Maariv ma’lumotlariga ko‘ra, Vashington hozircha Isroilning mustaqil operasiya o‘tkazishi haqidagi talabidan voz kechgan. Avvalroq Donald Tramp AQSh oraliq saylovlarga qadar Eronga zarba bermasligini bildirgan edi.
Ikki futbolchi zo‘rlash ishida qo‘lga olindi
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
