AQSh prezidenti Donald Tramp mamlakat xalqiga murojaatida Xitoyni 2020 yilgi prezidentlik saylovlariga aralashganlikda ayblab, buni tasdiqlovchi hujjatlar maxfiylikdan chiqarilganini ma’lum qildi.
Trampning ta’kidlashicha, hujjatlarda Xitoy AQShdagi 220 million saylovchining ma’lumotlarini noqonuniy qo‘lga kiritgani va jamoatchilik fikriga ta’sir o‘tkazishga uringani haqidagi ma’lumotlar keltirilgan.
Prezident Milliy razvedka direktori idorasi, Adliya vazirligi, FBR va Markaziy razvedka boshqarmasini mazkur holat yuzasidan to‘liq tekshiruv o‘tkazishga chaqirdi. Shuningdek, u Kongressni saylov tizimi xavfsizligini kuchaytirishga qaratilgan **«Amerikani qutqarish to‘g‘risidagi qonun»**ni qabul qilishga da’vat etdi.
Tramp, shuningdek, Rossiya, Eron, Shimoliy Koreya va «chuqur davlat» deb atagan guruhlar ham AQSh saylov infratuzilmasiga ta’sir ko‘rsatish imkoniyatiga ega ekanini iddao qildi.
Demokratik partiya vakillari esa prezidentning chiqishini keskin tanqid qildi. Senatdagi demokratlar yetakchisi Chak Shumer Tramp tashabbusini rad etar ekan, «Hozir emas. Hech qachon», deya munosabat bildirdi.
Demokratlar palatasidagi yetakchilardan Hakim Jeffris prezidentni fitna nazariyalarini tarqatishda aybladi. Senator Ed Marki esa Trampni impichment qilishga chaqirdi. Senator Mark Uorner esa Xitoyga oid ayblovlarni «mutlaqo asossiz» deb atadi.
Tahlilchilar fikricha, Trampning murojaati 2026 yil noyabrida o‘tadigan oraliq saylovlar oldidan saylov qonunchiligini o‘zgartirish bo‘yicha bosimni kuchaytirishga qaratilgan.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
