AQSh prezidenti Donald Tramp ukrainalik hamkasbi Vladimir Zelenskiy bilan muzokaralar yakunlari bo‘yicha o‘tkazilgan matbuot anjumanida Rossiya Ukrainani qayta tiklashda ishtirok etishga tayyorligini ma’lum qildi.
Oq uy matbuot xizmati ushbu tadbirni translyasiya qildi.
"Rossiya Ukraina gullab-yashnashini xohlaydi. U Ukrainani qayta tiklashda ishtirok etishga tayyor", - dedi Amerika rahbari.
Uning so‘zlariga ko‘ra, Rossiya prezidenti Vladimir Putin bilan telefon orqali suhbat chog‘ida Zaporojye atom elektr stansiyasi masalasi muhokama qilingan. Trampning qayd etishicha, Rossiya rahbari "uning ochiqligini, jumladan, Ukraina uchun ham ochiq bo‘lishini xohlaydi".
"Putin menga Zelenskiy bilan qo‘shma uchrashuvni ko‘rishni xohlashini aytdi va bunday uchrashuv vaqti kelganida bo‘lib o‘tadi”, — dedi Tramp. Uning qo‘shimcha qilishicha, kelishuvning qolgan “kichik qismini” hal qilish “hammasi yaxshi bo‘lsa, bir necha hafta davom etadi”.
Zelenskiy, o‘z navbatida, muzokarachilar o‘rtasida kelishuvni yakunlash uchun yaqin haftalarda yangi uchrashuvlar o‘tkazilishini aytdi. Shuningdek, u tinchlik rejasining ayrim bandlari bo‘yicha referendum o‘tkazishga ruxsat berdi.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
O‘qituvchilar va tibbiyot xodimlarining oyligi 2 baravar oshiriladi
Maktab va kollej bitiruvchilari 1 yillik harbiy xizmatga jalb qilinadi
