Tramp Pashinyanni qo‘llab-quvvatladi va uni "buyuk do‘st" deb atadi

Tramp Armanistonda bo‘lib o‘tadigan parlament saylovlarida Pashinyanni qo‘llab-quvvatladi va uni "buyuk do‘st" deb atadi – "Kommersant’".

"Nikol 2026 yil 7 iyunda bo‘lib o‘tadigan qayta saylanishda mening TO‘LIQ va MUTLAQ qo‘llab-quvvatlashimga ega bo‘ladi. Nikol yordamida biz Qo‘shma Shtatlar, Armaniston, Janubiy Kavkaz va Markaziy Osiyoni ilgari hech qachon bo‘lmagan yanada yuksak cho‘qqilarga olib chiqamiz. Armanistonni yanada buyuk qilamiz — MAGA!", — deb yozadi Donald Tramp o‘zining Truth Social ijtimoiy tarmog‘idagi sahifasida.

Uning ta’kidlashicha, Armaniston bosh vaziri Nikol Pashinyan — "buyuk do‘st va Lider" bo‘lib, u mamlakatni "kuchli, boy va juda xavfsiz" qilmoqda, shuningdek, AQSh prezidentining Armaniston va butun Janubiy Kavkaz uchun "tinchlik va farovonlik" borasidagi qarashlarini "to‘liq baham ko‘radi".

Trampning qo‘shimcha qilishicha, tez orada Vashington va Yerevan "Xalqaro tinchlik va farovonlik uchun Tramp yo‘nalishi"ning birinchi g‘ishtini qo‘yadi, bu esa AQSh energetika kompaniyalariga "Markaziy Osiyodan tortib to Qo‘shma Shtatlarning o‘zigacha" bo‘lgan hududlarga kirish imkonini beradi.

"Shu munosabat bilan", deb yozadi Tramp, u bo‘lajak parlament saylovlarida Pashinyan nomzodini qo‘llab-quvvatlashga qaror qilgan, deyiladi xabarda.