"Tramp nohaq - u mafiyani kolumbiyaliklar deb o‘ylaydi"

“Kolumbiyaning qurolli mafiyasi chet el qo‘mondonligi ostidagi turli kartellardan tashkil topgan. Tramp nohaq - u mafiyani kolumbiyaliklar deb o‘ylaydi. Ularning ba’zilari kolumbiyalik, lekin ular Kolumbiyada yashamaydi. Ular Ispaniyada yashaydi.

Oldinroq esa Dubayda yashagan, ammo Falastin va Erondagi urush tufayli Qo‘shma Shtatlar ruxsati bilan ko‘chib ketgan. Ular bu yerda bizni o‘ldirishda davom etmoqda. Biz o‘liklar bilan qolmoqdamiz, daromad esa mafiya egalariga kelib tushmoqda”, dedi Kolumbiya prezidenti Gustavo Petro.

"Janob Tramp, siz hozir o‘z ittifoqchilaringiz deb atayotgan odamlar haqiqiy Kolumbiya mafiyasi hisoblanadi. Sizning ittifoqchingiz - Ochoa va Pablo Eskobar kartellari qurshovida o‘sgan.

Men hech qachon biznes bilan shug‘ullanmaganman, AQShda bir dollar ham, muzlatib qo‘yish mumkin bo‘lgan birorta hisob raqamim ham yo‘q. Menda AQShda biznes yuritish niyati bo‘lmagan va bo‘lmaydi - hozir ham, kelajakda ham," - deya xulosa qildi u.