Tramp Marko Rubioning “Maduro uslubi”dagi sport kiyimini maqtadi

AQSh prezidenti Donald Tramp davlat kotibi Marko Rubioning ijtimoiy tarmoqlarda muhokamaga sabab bo‘lgan sport kiyimi haqida fikr bildirdi.

Avvalroq Rubioning Air Force One samolyoti bortida kulrang Nike sport kostyumida tushgan surati tarqalgan edi. Internet foydalanuvchilari bu obrazni Venesuelaning sobiq prezidenti Nikolas Maduro ushlangan paytdagi kiyimiga o‘xshatdi.

Fox News’ga bergan intervyusida Tramp Rubio haqida: «Menimcha, bu obraz unga juda mos tushgan. Men o‘zim shunday qilarmidim — bilmayman, lekin unga yaxshi yarashibdi», — dedi.