AQSh prezidenti Donald Tramp Kanada bilan barcha savdo muzokaralari tugaganini ma’lum qildi. Uning so‘zlariga ko‘ra, bu qaror Kanada tomonidan “yolg‘on reklama”dan foydalanilgani bilan bog‘liq.
Tramp aytishicha, mamlakat AQShning 40-prezidenti Ronald Reygan bojxona to‘lovlari haqida salbiy fikr bildirgan “soxta” reklamalarni qo‘llagan.
“Ronald Reygan jamg‘armasi Kanadada Reygan tariflar haqida salbiy gapirgan yolg‘on reklamalar orqali firibgarlik qilgani haqida xabar berdi”, — deb yozdi Tramp o‘z ijtimoiy tarmog‘ida. Uning ta’kidlashicha, bu harakat AQSh Oliy sudi va boshqa sudlar qarorlariga ta’sir ko‘rsatish uchun amalga oshirilgan.
Prezidentning so‘zlariga ko‘ra, bojxona to‘lovlari mamlakat milliy xavfsizligi va iqtisodiy mustaqilligi uchun katta ahamiyatga ega.
“Bu daxshatli xatti-harakatlar tufayli Kanada bilan barcha savdo muzokaralari to‘xtatildi”, — dedi Tramp.
Surxondaryoda fojia: 62 yoshli erkak voqea joyida halok bo‘ldi
"Garovdagilar qaytdi, endi urushni davom ettirish vaqti keldi"
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
