АҚШ президенти Дональд Трамп Канада билан барча савдо музокаралари тугаганини маълум қилди. Унинг сўзларига кўра, бу қарор Канада томонидан “ёлғон реклама”дан фойдаланилгани билан боғлиқ.
Трамп айтишича, мамлакат АҚШнинг 40-президенти Роналд Рейган божхона тўловлари ҳақида салбий фикр билдирган “сохта” рекламаларни қўллаган.
“Роналд Рейган жамғармаси Канадада Рейган тарифлар ҳақида салбий гапирган ёлғон рекламалар орқали фирибгарлик қилгани ҳақида хабар берди”, — деб ёзди Трамп ўз ижтимоий тармоғида. Унинг таъкидлашича, бу ҳаракат АҚШ Олий суди ва бошқа судлар қарорларига таъсир кўрсатиш учун амалга оширилган.
Президентнинг сўзларига кўра, божхона тўловлари мамлакат миллий хавфсизлиги ва иқтисодий мустақиллиги учун катта аҳамиятга эга.
“Бу дахшатли хатти-ҳаракатлар туфайли Канада билан барча савдо музокаралари тўхтатилди”, — деди Трамп.
