Tramp Jahon iqtisodiy forumida Zelenskiy bilan uchrashmaydi

AQSh prezidenti Donald Tramp Jahon iqtisodiy forumi (JIF) o‘tayotgan Davosda ukrainalik hamkasbi Vladimir Zelenskiy bilan uchrashmaydi.

Bu haqda Axios nashri xabar bermoqda.

Zelenskiyning o‘zi agar hujjatlar imzolashga tayyor bo‘lsa yoki qo‘shimcha havo mudofaasi bo‘yicha qaror qabul qilinsa, Davosdagi JIFda qatnashishini ma’lum qildi. Biroq, u "Davosdagi jamoadan Ukrainani tiklash bo‘yicha hujjat deyarli yakunlangani haqida signallar kelayotganini" aytdi.

Ukraina prezidenti hozircha Kiyevda qolib, kommunal xizmatlar va energetika kompaniyalarining ishlarini muvofiqlashtirishini aytdi.