Tramp Yevropaga "sezilarli bojlar" bilan tahdid qildi

Tramp AQShning yirik texnologik kompaniyalariga solingan jarimalar sabab Yevropaga "sezilarli bojlar" bilan tahdid qildi.

​Donald Tramp uning ma’muriyati YEI tomonidan AQSh kompaniyalariga ko‘p milliardlik jarimalar solish orqali amalga oshirilayotgan "shilish" amaliyoti yuzasidan Yevroittifoqqa nisbatan surishtiruv boshlashini va’da qildi.

​"Evroittifoq bu kabi noqonuniy va o‘ta noetik xatti-harakati uchun juda qimmat badal to‘laydi, men ularni buning oqibatlaridan bir necha bor ogohlantirgan edim. Barcha jarimalar to‘liq bekor qilinadi va ularga [EI] qarshi qisqa muddatlarda sezilarli bojlar joriy etilishini kutmoqdamiz", — deb yozdi Tramp.

​Trampning so‘zlariga ko‘ra, Google’ga solingan jarimalarning umumiy summasi allaqachon 18 milliard dollardan oshib ketgan. Bundan tashqari, u Apple kompaniyasiga "hech narsa uchun" 15 milliard dollar, Meta’ga uch milliard, Amazon’ga esa 2,5 milliard dollar jarima solinganini eslatib o‘tdi.