Трамп Европага "сезиларли божлар" билан таҳдид қилди

Трамп АҚШнинг йирик технологик компанияларига солинган жарималар сабаб Европага "сезиларли божлар" билан таҳдид қилди.

​Доналд Трамп унинг маъмурияти ЕИ томонидан АҚШ компанияларига кўп миллиардлик жарималар солиш орқали амалга оширилаётган "шилиш" амалиёти юзасидан Евроиттифоққа нисбатан суриштирув бошлашини ваъда қилди.

​"Евроиттифоқ бу каби ноқонуний ва ўта ноэтик хатти-ҳаракати учун жуда қиммат бадал тўлайди, мен уларни бунинг оқибатларидан бир неча бор огоҳлантирган эдим. Барча жарималар тўлиқ бекор қилинади ва уларга [ЕИ] қарши қисқа муддатларда сезиларли божлар жорий этилишини кутмоқдамиз", — деб ёзди Трамп.

​Трампнинг сўзларига кўра, Google’га солинган жарималарнинг умумий суммаси аллақачон 18 миллиард доллардан ошиб кетган. Бундан ташқари, у Apple компаниясига "ҳеч нарса учун" 15 миллиард доллар, Meta’га уч миллиард, Amazon’га эса 2,5 миллиард доллар жарима солинганини эслатиб ўтди.